Avgreiðsla av fiskiloyvum
Vørn avgreiðir nógv fiskiloyvi hvønn dag. Tað er ójavnt, hvussu nógv orka krevst at avgreiða hesi. Í flestu førum eru viðurskiftini greið, men so eru eisini dømi um, at upplýsingar resta í. Tá kann viðgerðin gerast drúgvari og avgreiðslan ganga seinni enn ætlað.
Tí skulu vit boða frá, at umsóknir um fiskiloyvi skulu verða Vørn í hendi, í seinasta lagi hósdag á middegi, um ætlanin er at fáa loyvi útskrivað áðrenn vikuskiftið.
Hetta er galdandi fyri avgreiðslu av øllum fiskiloyvum.
Gjald fyri fiskiloyvi á Torvuni
Tann 12.02.2024 vóru reglurnar fyri at nýta Dankort, Visa/Dankort og Mastercard broyttar. Hetta merkir, at tú frameftir skalt nýta eitt persónligt loyniorð, tá ið tú keypir á netinum. Umframt hetta fært tú eisini SMS-einnýtisloynitalið, sum verður brúkt í dag. Orsøkin til broytingina er at økja um trygdina við keypi á netinum.
Loyniorðið skal stovnast á heimasíðuni hjá Nets: nets.eu/3dsfo
Tú skalt brúka Samleikan til at stovna loyniorðið.